အရှင်သာသန

Oct 29, '11 1:04 PM
for everyone

                     အသက် ၁၇-နှစ်သား၊ ကိုရင်ဘ၀ကပေါ့။
ဘယ်လိုအကုသိုလ်ကံ တွေကြောင့်လည်းမသိဘူး။ ပေါက်လိုက်တဲ့ ယားနာ၊ နှင်းခူ၊ အကြာကြီးပဲ။ တစ်ဆောင်းတွင်းလုံး ယားယံတဲ့ဒုက္ခ၊ လမ်းမသွားနိုင်တဲ့ဒုက္ခ၊ အဲဒီ ဒုက္ခတွေကြောင့် စာသင်တိုက်မှာ စာမသင်နိုင်လို့ မိမိဇာတိမွေးရွာကိုပြန်ပြီး မိဘ ဆွေမျိုးသားချင်းတွေရဲ့ ဖေးမမှုနဲ့ ဆေးကုသမှုကို ခံယူနေရတယ်။ အဲဒီနှစ်က ပထမလတ်တန်း အစိုးရစာမေးပွဲ မဖြေဖြစ်လိုက်ဘူး။ စာသင်တိုက်မှာဆိုရင် အနီးကပ်ကြာရှည် ပြုစုမဲ့သူ မရှိဘူး။ တောရွာမှာဆိုတော့ မိဘ မောင်နှမ ဆွေမျိုး တွေရှိတယ်။ အစစအရာရာ လိုလေသေးမရှိ ဝေယျာဝစ္စ လုပ်ပေးမည့်သူတွေရှိတယ်။ ကျန်းမာရေးအတွက် ကုသတဲ့ဆေးစရိတ်က သိပ်အကုန်အကျကြီးမဟုတ်ပေမယ့် အလုပ်တွေ ရှားပါးတဲ့ တောသူ တောင်သား မိဘများအတွက်တော့ တစ်ထောင်ဆိုတဲ့ငွေဟာ အင်မတန်ရှာရခက်တယ်ဆိုတာ အဲဒီတုန်းက ရောဂါသည် ကိုရင်လေးတစ်ပါး မသိခဲ့ဘူး။ လယ်မြေကျဉ်းကျဉ်းလေးထဲက ထွက်သမျှ ကုလားပဲ၊ ပဲစဉ်းငုံ သီးနှံတွေဟာ ကိုရင်ရဲ့ ကျန်းမာရေးအတွက် ကုန်ကျခဲ့ရတယ်။ ကိုရင် ကျန်းမာရေးကောင်းဖို့အတွက် မိသားစုက ဖြစ်သလိုပဲ စားသောက်ခဲ့ကြတယ်။ အဲဒါတွေကိုလည်း ကိုရင်လေး လုံးဝမသိခဲ့ဘူး။ သူသိတာက ခန္ဓာကိုယ်ပေါ်မှာလည်း ဒဏ်ရာအနာရွတ်တွေနဲ့ ဆောင်းကုန်တာတောင် အနာက မပျောက်သေးဘူးဆိုပြီး အနာကြောင့် စိတ်ညစ်တာတစ်ခုပဲ။ ကဆုန်လဆန်းပိုင်းလောက်မှပဲ တော်တော်လေး သက်သာပျောက်ကင်းသွားတယ်။ တော်တော်လေး စိတ်ချမ်းသာသွားတယ်။

                       ကဆုန်လပြည့် ရွာဦးကျောင်း ဘုရားပွဲတော်အတွက် မုန့်ဆီကြော် ကြော်ကြတဲ့အခါမှာ အညှော်နံ့တွေကို ရှောင်စရာမလိုတော့ဘူး။ ကိုရင့်စိတ်ထဲမှာ အဲဒီလောက်ပဲသိတယ်။ မိသားစုရဲ့ စီးပွားရေးအခြေအနေ ဘယ်လိုရှိလဲဆိုတာ ထည့်မစဉ်းစားမိခဲ့ဘူး။ ဒီဘုရားပွဲတော်မှာ ကိုရင်တစ်ပါးရဲ့ မိဘတွေအနေနဲ့ သူတကာထက် မများတောင် ပုံမှန်အနေအထားဖြစ်ဖို့ ပွဲတော်ဖြစ်မြောက်ရေး သပိတ်စာရင်း၊ ဘုရားစာရင်းအတွက် ဘယ်လိုခက်ခက်ခဲခဲ ရှာပြီး ထည့်ခဲ့ရလည်းဆိုတာ ကိုရင် မသိခဲ့ဘူး။ သူ့စိတ်ထဲမှာက ကိုရင်တစ်ပါးအနေနဲ့ အိမ်ရဲ့စီးပွားရေးကို စဉ်းစားနေစရာမလိုဘူးလို့ပဲ တွေးထင်ထားခဲ့တာ။ ဒီလိုနဲ့ ကဆုန်လပြည့် ဘုရားပွဲမှာ အနယ်နယ်အရပ်ရပ်က ဧည့်သည်တွေနဲ့စည်ကားလို့ တစ်ရွာလုံးလည်း ပျော်ရွှင်လို့ အိုးစည် ဒိုးပတ်သံ တညံညံနဲ့... .... .....

            အဲဒီပျော်ရွှင်နေကြတဲ့ တစ်ရွာလုံးထဲမှာ ကိုရင်ရဲ့မိဘတွေ တကယ်ရင်ထဲက လှိုက်လှိုက်လှဲလှဲ ပျော်ရဲ့လားဆိုတာ ကိုရင်ကတော့ လုံးဝမတွေးမိဘူး။ သူ့မှာတွေးမိတာ တစ်ခုပဲရှိတယ်။ အဲဒါကတော့ ဘုရားပွဲအပြီး ရန်ကုန်ဆိုတဲ့ မြို့တော်ကြီးကို အလည်လိုက်သွားဖို့ပေါ့။ ကိုရင်အမကလည်း အားပေးတယ်။ တစ်ခါမှမရောက်ဖူးသေးတဲ့ ရန်ကုန်ကို သူ့မောင်လေးကိုရင်ကို ရောက်ဖူးစေချင်တာပေါ့။ မမ ကတော့ ရောက်ဖူးသွားပြီ။ အခုလည်း ရန်ကုန်ကို သွားမယ့် လူကြုံတွေရှိတုန်း ရောက်ဖူးအောင်လိုက်သွားပါလို့ မမ က တိုက်တွန်းတယ်။ ကိုရင်ကလည်း သိပ်ကိုရောက်ဖူးချင် နေတာပေါ့။ ဗွီဒီယိုဇာတ်ကားတွေ တီဗီတွေထဲ ခဏခဏမြင်နေရတဲ့ရန်ကုန်၊ မြန်မာနိုင်ငံရဲ့ ပထမမြို့တော်ရန်ကုန်၊ ဒီလောက် နာမည်ကြီးနေတဲ့ရန်ကုန်ကို ရောက်ဖူးချင်လို့ သူငယ်ချင်းတွေကိုလည်း ကြွားထားတယ်။ ငါဘုရားပွဲပြီးရင် ရန်ကုန်ကို အလည်သွားမှာကွ..လို့။

အလိုက်ကန်းဆိုးမသိတဲ့ ကိုရင်က အိမ်ရဲ့ စီးပွားရေးအခြေအနေကိုမှ နားမလည်စွာ အိမ်ကမိဘတွေကို ပူဆာတယ်။ မိဘဆိုတော့လည်း အဆင်မပြေတဲ့ကြားက ကိုရင်စိတ်ချမ်းသာဖို့ လတ်မှတ်အတွက် ကုန်ကျစရိတ်က (၃၇၀၀) ဆိုတော့ လောလောဆယ် လက်ထဲရှိတဲ့ ငွေ (၄၀၀၀) လေးထောင် ထုတ်ပေးလိုက်တယ်။ ကိုရင်လေးကတော့ ငွေလေးထောင်ကိုကိုင်ပြီး သူ့နောင်တော်ကြီးရှိရာကို သွားကာ လက်မှတ်ဖြတ်ဖို့ ပြောနေလေရဲ့။ အိမ်မှာကျန်ရစ်ခဲ့တဲ့ မိဘတွေအနေနဲ့ ကိုယ့်သား ကိုရင်လေးကို ရန်ကုန်ကို တကယ်လိုက်သွားစေချင်တာပေါ့။ ဒါပေမယ့် ကိုယ့်ဝမ်းနာ ကိုယ်သာသိ ဆိုသလို ....................

            +++++++++     +++++     ++++++++++

ဘုရားပွဲအပြီးနောက်ရက်။ ကဆုန်လပြည့်ကျော် (၁) ရက်။

          "ဆရာတော်ဘုရား။ ဆရာတော်ရဲ့တပည့် ကိုရင်သာသန ကို ရန်ကုန်မလိုက်ဖြစ်အောင် ကူပြီး ပြောပေးတော်မူပါဘုရား။ တပည့်တော်တို့က မပြောရက်လို့ပါဘုရား။"

အဖေဖြစ်သူက ဆရာတော်ကို သွားလျှောက်တင်တယ်။ ဆရာတော်က

     "ဘာဖြစ်လို့လည်း မောင်အောင်မင်း ရ။ မင့်သား ရန်ကုန်လိုက်သွားတော့ ရောက်ဖူးတာပေါ့ကွာ။"

   "မှန်လှပါ တပည့်တော်တို့ကလည်း လိုက်စေချင်ပါတယ်ဘုရား။ ဒါပေမယ့် တပည့်တော်တို့ အိမ်ရဲ့ စီးပွားရေးအခြေအနေက အကြွေးတောင် မကျေသေးပါဘူးဘုရား။ အကြွေးယူထားတဲ့ သူများတွေကိုလည်း ကူညီထားတာ အားနာနေလို့ပါ။ ချန်ထားတဲ့ ပဲစဉ်းငုံလေး သုံးတောင်းကို ရောင်းထည့်လိုက်ရင်လည်း အငယ်မနဲ့အငယ်ကောင်ကို ကျောင်းဆက်မထားနိုင်မှာလည်း စိုးရိမ်တယ်ဘုရား။ ကိုရင်က ဘုရားဖူးသက်သက်ဆိုတော့ နောက်နှစ်တွေလည်း သွားလို့ရပါသေးတယ်။ ဒီနှစ် အိမ်ရဲ့ စီးပွားရေးက အဆင်မပြေတော့ ကိုရင်ကို မလိုက်စေချင်သေးဘူး။ တပည့်တော်ကိုယ်တိုင် ကိုရင်ကိုတားရမှာလည်း အားနာလို့ ဆရာတော်ကို အကူအညီတောင်းတာပါဘုရား။''

''မင့်ပြောတာလည်း မှန်သားပဲ။ အေးအေး ငါ ကောင်းသလို စီစဉ်လိုက်မယ်"

"မှန်လှပါ။ အားကိုပါတယ် ဆရာတော်ဘုရား"

            +++++++++     +++++     ++++++++++

ကဆုန်လပြည့်ကျော် (၂) ရက်။

"သာသန မင့်အတွက် လတ်မှတ်ဖြတ်ထားတယ်။ မင့်သေချာပေါက် လိုက်ဖြစ်မှာမို့လား"

"လတ်မှတ်ဖြတ်ပြီးမှတော့ လိုက်ဖြစ်သွားပြီပေါ့ဘုရား။"

         ဦးဇင်းအောင်ကျော် က ရထားလက်မှတ်ဖြတ်ထားပြီးပြီဆိုတော့ ပျော်လိုက်တာ.. ရထားလည်း စီးဖူးတော့မယ်။ ရန်ကုန်ကိုလည်း ရောက်ဖူးတော့မယ်ပေါ့။ မမ ကို လတ်မှတ်ဖြစ်ပြီးကြောင်းပြောတော့ မမ ကလည်း သူ့မောင်လေး ရန်ကုန်ကို ရောက်ဖူးတော့မယ်လို့ တွေးပြီး ပျော်နေလေရဲ့။ မောင်နှမ နှစ်ယောက် အဲဒီလိုပျော်နေတဲ့ အချိန်မှာ အဖေနဲ့အမေကတော့ စိတ်မကောင်းခြင်းတွေနဲ့ တိုင်ပင်နေတယ်ဆိုတာ မသိခဲ့ဘူး။

(၃) ရက်နေ့မနက်...

ကိုရင် သူ့ အိမ်မှာ အရုဏ်ဆွမ်းစားအပြီး သူ့ အမေ က စပြောတယ်။

"ကိုရင် နောက်နှစ်မှ ရန်ကုန်ကိုလိုက်ပါလား။ ဒီနှစ် ရန်ကုန်မှာ သိပ်မစည်ဘူးတဲ့။ နောက်နှစ်ဆိုရင် တော်တော် စည်ကားမယ်လို့ ပြောသံကြားတယ်။ နောက်နှစ်မှလိုက်သွားနော် ကိုရင်"

အို... ဘယ်လိုပြောလိုက်တာလည်း မေမေရယ်... သားမကြားချင်ဆုံးစကားကိုမှ သားချစ်တဲ့ မေမေက ပြောထွက်ခဲ့တယ်။ မေမေ က သားကို မချစ်ဘူးလား။ သားကို ချစ်တယ်ဆိုရင် ဘာဖြစ်လို့ သားသွားမယ့်ခရီးကို တားရတာလဲ မေမေရယ်...

"ဟာ မရဘူး အမေ၊ လတ်မှတ်တောင် ဖြစ်ပြီးသွားပြီ၊ လပြည့်ကျော် (၇) ရက်နေ့ သွားကြမှာ၊ အားလုံးလတ်မှတ် (၆)စောင်။ ကိုရင် ကတော့လိုက်သွားမှာပဲ"

သားဖြစ်သူကိုရင်ရဲ့ စကားကိုကြားလိုက်တော့ ကိုရင်အမေကလည်း ဘာမှမပြောတော့ဘဲ၊ တစ်ဖက်ကိုလှည့်ပြီး စီးဆင်းလာတဲ့ မျက်ရည်စတွေကို ကိုရင်မသိအောင် အသာလေးသုတ်နေလေရဲ့။ အဲဒီအချိန်မှာ ကိုရင် အဖေ က

"ကိုရင် .. ဆရာတော်က မလိုက်ရဘူးလို့ပြောတယ်။ ကိုရင် ဆရာတော်စကားကိုတော့ နားထောင်သင့်တယ်။ ဆရာ့စကားကို နားမထောင်တဲ့ တပည့်ဟာ တပည့်ကောင်းမဟုတ်ဘူးတဲ့။ တပည့်ကောင်း ဖြစ်ချင်ရင် ဆရာတော်စကားကို ကိုရင် နားထောင်နော်"

"ဟာ အဖေ ကလည်း မဖြစ်နိုင်တာတွေ လာပြောမနေပါနဲ့။ ဆရာတော်က ကိုရင်ကို ဘာမှမပြောဘူး။ ခွင့်ပြုပြီးသားပါ။ ကျောင်းလည်းမဖွင့်သေးဘူး။ စာဝါတွေလည်း မချသေးဘူး။ ဘာလို့ ရန်ကုန်ကို မထည့်ရမှာလည်း၊"

"ကိုရင်မယုံရင် ဆရာတော်ကို မေးကြည့်ပါဗျာ၊ ဆရာတော်က ခွင့်ပြုရင်တော့ လိုက်သွားပေါ့။"

"ကိုရင်ကို အဖေက ညာပြောနေတာ။ ရန်ကုန်ကိုမထည့်ချင်တိုင်း။"

ကိုရင် အမဖြစ်သူ့ရဲ့စကား။

"သမီး နင် အသာနေစမ်း၊ ငါ ကိုရင်နဲ့စကားပြောနေတာ၊ ၀င်မရှုပ်နဲ့"

"အမေနဲ့အဖေက ကိုရင်ကိုဘာဖြစ်လို့ ရန်ကုန်မလိုက်စေချင်ရတာလဲ၊"

"နင်ငြိမ်ငြိမ်နေစမ်းလို့ပြောတာ နားမလည်ဘူးလား"

အမဖြစ်သူ စိတ်ဆိုးပြီး အပြင်ထွက်သွားလေရဲ့။

"တော်ပြီဗျာ.. မမလည်းတော်တော့၊ အဖေရော အမေရော ဘာမှလာပြောမနေနဲ့၊ ကိုရင် အခုပဲ ဆရာတော်ကို သွားမေးကြည့်မယ်"

အဲဒီလိုပြောပြီး ကိုရင် ကျောင်းကို ထွက်လာခဲ့တယ်။

           +++++++++     +++++     ++++++++++

"ဦးဇင်းအောင်ကျော်၊ ဆရာတော် ဘယ်ကြွသွားတာလဲ"

"ဆရာတော်က အခုပဲ မုံရွာ ကိုပြန်သွားပြီ"

"ဟာ အဲဒါမှဒုက္ခပဲ။ တပည့်တော်ကို အိမ်က ရန်ကုန်မလိုက်စေချင်တိုင်း ဆရာတော်နဲ့ ကိုင်ပေါက်နေတာ၊ အခု တပည့်တော် ဆရာတော်ကိုလာရှာတာ အဲဒါလျှောက်ချင်လို့"

"မင့်မလျှောက်လည်း ဆရာတော်ကသိပြီးပြီ၊ ငါတို့ကို မနက်က လဘက်ရည်သောက်ရင်း ပြောသွားတယ်။ မင့်ကို မင့်မိဘတွေက ဒီနှစ်စီးပွားရေး အဆင်မပြေလို့ ရန်ကုန် မလိုက်စေချင်ဘူး။ မနေ့က မင့်အဖေ ဆရာတော်ကို လာလျှောက်သွားတယ်။ ငါတို့ခန့်မှန်းခြေ တစ်သောင်းခွဲနဲ့ လမ်းစရိတ် အသွားအပြန် အဆင်ပြေတယ်ဆိုပေမယ့် မင့်အိမ်ကတော့ အနည်းဆုံး နှစ်သောင်းလောက် ပါမှ ခရီးသွားစေချင်တာ။ နောက်ပြီး ဒီနှစ် မင့်ကျန်းမာရေးကို ကုပေးရတာကလည်း ငွေတွေအများကြီး ကုန်ထားတာလေကွာ။ အဲဒီတော့ မင့် နောက်နှစ်မှ ငါတို့နဲ့ လိုက်ခဲ့ပါလား။ ငါတို့ နောက်နှစ်လည်း ရန်ကုန်ကိုသွားအုံးမှာပါကွာ။ မင့်အိမ်ကို နားလည်ပေးလိုက်ပါ။ မင့်အဖေကိုလည်း စိတ်မဆိုးပါနဲ့။ ဘယ်မိဘမဆို ကိုယ့်သားသမီးရဲ့ အလိုကို လိုက်ချင်ကြတာပေါ့။ ဒါပေမယ့် မိဘတွေမှာလည်း အခက်အခဲရှိတယ်ဆိုတာ မင့်နားလည်ပေးလိုက်ပါကွာ၊ နောက်နှစ်မှ ငါတို့နဲ့ လိုက်ခဲ့နော်..."

အော်.. နောက်နှစ်မှတဲ့လား။ ငါလိုကောင်က ဒီတစ်သတ် ရန်ကုန် ကိုရော ရောက်ဖြစ်အုံးမှာလား။ လတ်မှတ်ဖြစ်ပြီးလို့ သေချာပြီဆိုပြီး ငါ့မှာ ပျော်လိုက်ရတာ။ အခုတော့ အိမ်ကိုငဲ့ပြီး မလိုက်ပါနဲ့အုံးတဲ့။ တကယ်တော့ ဒါဟာ အဖေရဲ့ လက်ချက်ပဲ ဖြစ်ရမယ်။ ဘယ်မှာလဲ ငါ့ကိုချစ်တယ်ဆိုတာ။ ငါ့ဘ၀နဲ့ငါပဲ ရှိပါစေတော့။ တော်ပြီကွာ။ ရန်ကုန်ကိုမလိုက်တော့ဘူး။ အိမ်သွားပြောမယ်။
အဲဒီအတွေးတွေနဲ့ အိမ်ပြန်ရောက်သွားတော့...

           +++++++++     +++++     ++++++++++


"ကိုရင် ဆရာတော်က ဘာပြောလဲ"

"ဘာပြောရမှာလဲ ခင်ဗျားကမှ ကိုရင်ကိုမလိုက်စေချင်လို့ မနေ့ကတည်းက ဆရာတော်ကို သွားလျှောက်ထားတာ၊ တော်ပြီ။ မလိုက်တော့ဘူး။ ခင်ဗျားတို့က ကိုရင် ကို ကျန်းမာရေးကုထားပေးရလို့ ငွေကုန်တာများပြီး ရန်ကုန်ကို မလိုက်စေချင်တာမို့လား။ ခင်ဗျားတို့ကုန်မယ့်ငွေကို ကျုပ်ပြန်ရှာပေးမယ်။ တော်ပြီ။ ကိုရင်လည်းမ၀တ်တော့ဘူး။ တကယ်တော့ ခင်ဗျားတို့က ကိုရင်ကို စိတ်ချမ်းသာစေချင်လို့မှမဟုတ်တာ။ ငွေကုန်မှာစိုးလို့ ရန်ကုန်မထည့်တာ။ ရန်ကုန်ကိုမရောက်လည်း ဘာမှမဖြစ်ဘူး။ ခင်ဗျားတို့ငွေလည်းမလိုချင်ဘူး။ နောက်မှ ကိုယ့်ဘာသာကိုယ် ငွေရှာပြီး သွားပြမယ်။"

အဲဒီလိုပြောပြီး ဒေါသထွက်ထွက်နဲ့ အိမ်ကနေထထွက်လာတယ်။ အပေါက်ဝရောက်ခါနီး အမေရဲ့အသံလေး ကြားလိုက်ရတယ်။

"ကိုရင် နေအုံးလေ၊ ရန်ကုန် ကို ဒီနှစ်မလိုက်ရလည်း ... ... ...."

ဘာတွေပြောနေလဲမသိတော့.. နောက်ကို ပြန်လှည့်မကြည့်ဘဲ ကျောင်းကို ပြန်လာခဲ့တယ်။ ဘယ်သူနဲ့မှလည်း စကားမပြောချင်ဘူး။ ကိုယ်ဖြစ်ချင်တာ ကိုယ်သွားချင်တာ မသွားရလို့ ဒေါသထွက်နေတဲ့အချိန်မှာ ဘယ်သူနဲ့မှလည်း မတွေ့ချင်ဘူး။ ပတ်ဝန်းကျင်ဆိုတာ ဘာလဲ၊ ငါ့အတွက် ငါရှင်နေတဲ့ပတ်ဝန်းကျင်က သောက်နေကျ ကော်ဖီတစ်ခွက်လောက်တောင် အသုံးမ၀င်ခဲ့ပါဘူး။ ငါသောက်နေကျ ကော်ဖီကမှ ငါ့အတွက် ချို ဆိမ့် မွှေး ဆိုတဲ့ အရသာတွေကို ပေးသေးတယ်။ ငါကျင်လည်တဲ့ ငါ့ပတ်ဝန်းကျင်က ငါ့အတွက် ဘာတွေကို ပေးဆပ်ခဲ့လို့လဲ။ ငါ လူထွက်မယ်ဆိုတော့လည်း မိဘ၊ မောင်နှမ၊ ဆွေမျိုးသားချင်းနဲ့ ရွာသူရွာသားတွေက - "ကိုရင် လူမထွက်ပါနဲ့၊ လူထွက်ရင် ဆင်းရဲတယ်ဘုရား" တဲ့။

ငါအခုလို ကိုရင်ဝတ်နေတော့ရော..
ဘာများချမ်းသာနေလို့လဲ။
ငါ့ကို လူမထွက်စေချင်ကြတာက ငါ့အတွက်လား
သူတို့ ဂုဏ်ရဖို့အတွက်လား။

တကယ်တော့ ငါအသက်ရှင်နေတယ်ဆိုတာ
ပတ်ဝန်းကျင် ထမင်းစားကောင်းအောင်
ငါက သရုပ်ဆောင်နေရတာလား
ငါ့နှလုံးသားရဲ့ဆန္ဒကိုစတေးပြီး
ငါနားမလည်တဲ့ ပါဠိစာပေတွေကိုသင်ယူ
ငါအောင်မြင်ခဲ့တဲ့စာမေးတွေကရော
ငါ့ကို ဘယ်လို အထောက်အပံ့ပေးခဲ့လို့လဲ။

ငါစိတ်ဝင်စားတဲ့ (ငါ့ကိုလည်းစိတ်ဝင်းစားတဲ့)
ငါရဲ့နှလုံးသားထဲမှာ
ကောင်းကင်ဖျားကကြယ်စင်လေး အဖြစ်
စွဲလမ်းရူးသွပ်ခဲ့ရတဲ့
သံယောဇဉ်လေးကိုတောင် ငါစွန့်လွှတ်ပြီး
ဒီသင်္ကန်းကိုပဲ ပေ တေ ပြီး ဆက်ဝတ်နေမိတယ်။

ငါဝတ်ခဲ့တဲ့ဟောဒီသင်္ကန်းက
အခုတော့ ငါ့အတွက် ဘယ်လိုအကျိုးတွေပေးခဲ့လဲ
ငါသင်ခဲ့ရတဲ့စာပေတွေကရော
ငါ့နှလုံးသားကို ဘယ်လောက် ကုစားပေးနိုင်မလဲ
ငါ့ရဲ့စွန့်လွှတ်ခြင်းက ငါ့ကို ချည်နှောင်ခြင်းလား။

ငါသာ သင်္ကန်းမ၀တ်ခဲ့ရင် ....
ငါချစ်တဲ့ကောင်မလေးကိုလည်း
ယုယကြင်နာမှုတွေနဲ့ ဖြည့်ဆည်းပေးနိုင်မယ်...
ငါနားမလည်တဲ့စာတွေကိုလည်း
ဆက်ပြီးသင်နေစရာမလိုတော့ဘူး။

အခုတော့လည်း
ငါ့ကိုယ်ငါ ဘာဆိုတာမသိခင်ကတည်းက
သိုးအရေခြုံပေးခြင်းခံလိုက်ရတော့
ငါဟာ ၀ံပုလွေ ပါလို့တောင်
မပြောရဲတော့တဲ့ဘ၀။

ပြောပိုင်ခွင့်သာရှိမယ်ဆိုရင်
..... .... ..... .... .... ...
ငါဟာဝံပုလွေတစ်ကောင်ပါ
ကောက်ကျစ်ခြင်းကိုမှခင်တွယ်တတ်တဲ့
စည်းအပြင်ဘက်ကကောင်ပေါ့။

        အခု ကြည့်အုံး ဘာမဟုတ်တဲ့ ငါအခု သွားချင်တဲ့ ရန်ကုန် ခရီးလေးကိုတောင်မှ မိဘတွေကလည်းမကူညီ၊ ဆွေမျိုးတွေလည်းမကူညီ။ ဘယ်သူမှ မကူညီကြဘူး။
ရှေ့ဆက်သွားမယ့် ငါ့ဘ၀ရဲ့ခရီးကိုရော.. ဘယ်သူ့အကူညီကိုများ ငါက ထိုင်စောင့်နေရအုံးမှာလည်း။ ငါ လူထွက်ရင် ကောင်းမယ်ထင်တယ်။ ဘ၀ဆိုတာ ဘာလဲ။ ဘယ်လိုရှင်သန်မှ ဘ၀ရဲ့အဓိပ္ပါယ်က ပြည့်စုံမှာလဲ။ တကယ်လို့ ငါသာ အခုနေ နာမည်ကျော် ဆရာတော်ကြီးတစ်ပါး သာဆိုရင် ငါ့ကို ကူညီမယ့်သူတွေ အများကြီး ရှိကြမှာလား။ နာမည်မကျော်တော့ရော ဘာဖြစ်လဲ၊ နာမည်ကျော်တော့ရော ဘာလဲ။ ပုစ္ဆာတွေများတဲ့ ဟောဒီဘ၀မှာ ငါ ဘယ်လိုခြေထောက်နဲ့များ လမ်းလျှောက်သွားနိုင်မှာလဲ။ လူထွက်ရင်ကောင်းမလား။ မထွက်ရင်ကောင်းမလား။ အိုကွာ..... ဘ၀ကလည်း ငဲ့ကွက်စရာတွေနဲ့ မွန်းကြပ်လွန်းလှပါဘိ။

    အဲဒီလိုအတွေးတွေနဲ့ ကိုယ့်ဘ၀ကိုယ် မကျေမနပ်ဖြစ်နေတဲ့ အသက် (၁၇)နှစ်အရွယ် ကိုရင်လေးတစ်ပါး။ ဘုရားပေါ်သွားပြီး တွေးချင်ရာတွေးနေလေရဲ့။ လောကကြီးရဲ့ အကြောင်းကို သူ့ရှုထောင့်က သူကြည့်၊ သူ့မကျေနပ်ချက်တွေကို သူ့အကြောင်းပြချက်နဲ့ သူဖော်.. သူ့ကိုယ်သူတော့ ဟုတ်နေတယ်ထင်မှာပေါ့။
            သူ့အိမ်မှာ မျက်ရည်တန်းလန်း ကျန်ရစ်ခဲ့ရရှာတဲ့ သူ့အဖေ.. သူ့အမေ.. သူ့အမတွေရဲ့ စိတ်ဆင်းရဲမှုတွေကို ဘယ်လိုလုပ်သိနိုင်တော့မှာလဲ။ အကြွေးတွေကို ဘယ်လိုရှာဆပ်ရမလဲ.. နောက်ထပ် စားဝတ်နေရေးအတွက် ဘယ်လိုရှေ့ဆက်သွားရမလဲ၊ အငယ်ဆုံးကောင်နဲ့ အလတ်မလေးရဲ့ ကျောင်းစရိတ်တွေကို ဘယ်သူ့ဆီက ငွေချည်းပြီး ထားပေးရမလဲ ဆိုတဲ့ မိဘတွေရဲ့ ခံစားချက်တွေကို ဘယ်လိုသိနိုင်မှာလဲ။ မပြေလည်တဲ့ စီးပွားရေးတွေကြားမှာ သားသမီးတွေရဲ့ အနာဂတ် ပညာရေးကိုငဲ့ပြီး ကိုယ်တိုင် အစာအငက်ခံပြီး ကုတ်ကပ် စုထားတဲ့ ငွေကြေးလေးနဲ့ သားသမီး ငါးယောက်ရဲ့ အနာဂတ်ကို အကောင်းဆုံးဖြစ်အောင် ဘယ်လိုဆောင်ရွက်ရမလဲ ဆိုပြီး တိုင်ပင်နေကြတဲ့ မိဘတွေရဲ့ အတွေးကိုတော့ ကိုရင်လေးခမျာ လုံးဝ နားမလည်ရှာဘူး။ သားကိုရင်ကိုလည်း စိတ်ချမ်းသာစေချင်.. ကိုရင်ရဲ့ညီလေး ညီမလေးတွေကိုလည်း ကျောင်းဆက်ထားစေချင်၊ အိမ်မှာချန်ထားတဲ့ ပဲစဉ်းငုံလေးကိုရောင်းပြီး တကယ်လို့သာ ကိုရင်ကို ရန်ကုန် ထည့်လိုက်မယ်ဆိုရင် အငယ် မောင်နှမနှစ်ယောက် အတွက် ရှေ့ဆက် ကျောင်းမထားနိုင်တော့ဘူး။ အဲဒီတော့ ခဏ စိတ်ဆင်းရဲရမယ့် ကိုရင် ကို ရန်ကုန်ထည့်ဖို့ အရေး ဦးစားမပေးနိုင်တော့ဘဲ တစ်ခဏတာ စိတ်ဆင်းရဲနေတဲ့ ကိုရင် ကို မိဘတွေက နားလည်ပေးနိုင်ပေမယ့် မိဘတွေရဲ့ ခံစားချက်ကိုတော ၁၇-နှစ်သား ကိုရင်လေး က ဘယ်လို အသိဥာဏ်မျိုးနဲ့ နားလည်နိုင်မှာလဲ။ ကိုရင် ရဲ့ ခံစားချက် အတွေးတွေကိုရော မိဘတွေက တကယ်နားလည်နိုင်ပါ့မလား။

တစ်ဖက်မှာကလည်း မိဘ အရင်း
တစ်ဖက်မှာကလည်း ချစ်ရတဲ့သားကိုရင်
အဲဒီလို
မိဘ နဲ့ သားကိုရင်
သံယောဇဉ်စစ်ခင်း
သွေးသားအရင်းတွေကြားမှာတောင်
နားလည်မှုတွေ ခြားနားခဲ့ကြရတယ်ဆိုရင်...........

အရှင်သာသန (မုံရွာ)
ငယ်ဘ၀ဖြစ်ရပ်မှန်

Tags: ဘ၀ပုံရိပ်

Prev: လရောင်မဲ့ပုံရိပ်

2 CommentsChronological Reverse Threaded

kooo002 wrote on Oct 30, '11

ဘ၀ပုံရိပ်အပိုင်းအစလေးများကို လာကြည့်သွားပါတယ်

saintsanyae2011 wrote on Nov 8, '11

အရေးအသားကကောင်းတယ်နော်.... အားပေးလျက်ပါ....

audio reply video reply

Add a Comment

ashinsasana

အရှင်သာသန

မျိုးချစ်ဇာနည် နတ်သုဒ္ဒါတမျှ၊ ချိုစိမ့်လှသည့် ဗန္ဒရသရက်၊ နွယ်ခါးယှက်၍၊ အသက်ဆုံးရှုံး၊ မျိုးတုံးခဲ့ရ ရှေးသာဓက၊ ရှိခဲ့ကြ၏။ ဒို့အမျိုးဘာသာ၊ သာသနာသည် ကမ္ဘာ့အလယ်၊ ဂုဏ်ယူဖွယ်အတိ ချီးမွန်းသည့်အသံ၊ မိုးထိညံမျှ သင်းပြန့်လှ၏။ ဒို့အမျိုးဘာသာ၊ ဓွန့်ရှည်ကြာရေး နောက်လာရင်သွေး၊ သင်-ဘာလေးမွေးမလဲ ဒေါ်လာမယား၊ အဖော်ပြုထားပြီး၊ တိုက်ကားကြီးပေါ်၊ မြူးရွှင်ပျော်ကာ အနှစ်မပါ၊ အချစ်ညာတဲ့ နွယ်ခါးရစ်ခွေ၊ မျိူးဖျက်တွေကို သမီး ဘယ်လိုစဉ်းစားမလဲ။ တော်လှဲသံကြီး၊ မြည်ဟည်းပြီးလျှင် မြေကြီးကွဲအက်၊ ငလျှင်စနက်ကြောင့် ရာထောင်မက၊ သေခဲ့ကြလဲ၊ အမျိုးမပြုတ်၊ အငုတ်အရင်း မျိုးဆက်ဆင်းကာ၊ အမျိုးဘာသာ သာသနာကြီး၊ ဆက်လက်ပြီးလျှင် ရှင်သန်ဝံ့ကြွား၊ မျိုးဆက်များမှ ထိန်းထားနိုင်သည်။ သို့ပေသည့်လည်း၊ မြေမျိုသော် အမျိုးမပြုတ်၊ လူမျိုသော် အငုတ်မကျန်၊ အမျိုးပြုတ်ရန် အရေးမို့ သမီးတို့ရေ........ ၀တ်ချင်တဲ့ ဆန္ဒ၊ လှချင်တဲ့ မာနနဲ့ ၊ အချောင်ရတယ်ဆိုပြီး၊ ဘ၀ကြီးတစ်ခုလုံးပုံအပ် မိုက်ဇာတ်တော့ မခင်းလိုက်ကြပါနဲ့။ ထမင်းငတ်ပြီး သေတဲ့မသာ ဒို့ပြည်မှာ မရှိပါဘူး၊ အလှရစ်မူး ချစ်ရည်လူးပြီး ရာဂကြူးတဲ့ ဘီလူးလက်အောက် အမျိုးပြောက်အောင် ဘယ်သောအခါမှ အကြံကြနဲ့၊ ငွေကြေးဥစ္စာ၊ ဆင်းရဲပါလည်း မမွဲစိတ်ဓါတ်၊ အကျင့်မြတ်ကြောင်း ကမ္ဘာအပေါင်းမှ၊ ချီးကျူးရအောင် ဒို့မျိုးချင်းဆက် အမျိုးဂုဏ်ဆောင်ရင်း မျိုးသက်ဆင်းမှ ဆက်လက်ခိုင်မာ ဒို့သာသနာကြီး ဘုန်းနေလမီး ထိန်ထိန်ညီးစွာ ဓွန့်ရှည်ကြာတည်တံ့မှာမို့၊ သမီးတို့ရေ..... ဗုဒ္ဓဘာသာ မျိုးဆက်သစ်လေးများ မွေးဖွားပေးနိုင်ကြပါစေ။ ဖိုးပညော (သပိတ်ကျင်း)